الديكور : إستديو إحدى القنوات الفضائية 2 كرسي امام بعضهما يميناُ ويساراً بمنتصف الكرسيين منضدة زجاج
المشهد : تجلس المذيعه علي الكرسي اليمين تلعب بخصلات شعرها وأحد المساعدين يضبط مكياجها وهي في حالة تكبر وغرور , يصيح صوت من بعيد 3 .. 2 .. 1 .. هواااا
المذيعه : مساء الخير علي كل مشاهدينا وحلقة جديدة من برنامجكم "الدنيا فيها إيه" ,النهارده حبينا نكون قريبين أكتر من الناس علشان كده قررنا النهاردة نستضيف شخص منكم نتكلم معاه بكل صراحه وهو الأستاذ صابر , إتفضل أستاذ صابر .
"يدخل من يسار المسرح صابر شخص نحيف شعره طويل تبدوا عليه ملامح الفقر والإعياء وملابسه غير مهندمة ويسلم علي المذيعه ويجلس وسط تصفيق الحضور بعد إشارة مساعد المخرج لهم بأن يصفقوا".
المذيعه : أهلا بيك يا أستاذ صابر معانا نحب نتعرف علي إسمك وسنك ووظيفتك ؟
صابر بتلعثم : إسمي صابر المطحون وده لقب العيلة عندي 29 سنة وبشتغل كل حاجة ومعايا بكالريوس تجارة .
المذيعه : أهلا بيك معانا , إحنا في الحقيقة عملنا معاك اللقاء لأنك واحد من الناس وبتتكلم بلسانهم هنسألك كام سؤال وحابين تجاوبنا بصراحة .
صابر : إتفضلي يا ست هانم
المذيعه : أستاذ صابر إيه اللي حضرتك تعرفه عن الازمة الإقتصادية العالمية ؟
صابر: ولا أي حاجة سمعت عنها زي حضرتك كده بس الواد عبده النجار سمعت إنه كان حاطط 5000 جنيه في البورصة وراحوا في غمضة عين ودلوقتي إتجنن وماشي يكلم نفسه في الشارع .
المذيعه: بعيداً أستاذ صابر عن مشكلة عبده النجار , أحب اعرف إنت بتشتغل إيه بالضبط ؟ يعني إيه كل حاجة ؟
صابر: شوفي يا ست هانم , أنا لما إتخرجت من الجامعه قلبت الدنيا علي شغل ومش لاقي كله قاللي يا تروح لحد تقيل يشوفلك وظيفة ويجبلك شغل بالواسطة يا إما تدفعلك حزمة 6 أو 7 ألاف جنيه وتتعين بأي مكان فقرر ت أعتمد علي نفسي .
المذيعه : جميل أستاذ صابر , مثال للشاب المكافح عملت إيه ؟
صابر : شوفي حضرتك الأول أنا جيبت حاجات من أم 2جنيه ونص وفرشتها قولت ابيعها بس البلدية جدت خدتها مني ملحقتش أبيع حاجة بعد كده، عملت عربية فول جت الصحة قالتلي معاكش شهادة صحية وخدوا العربية , قولت معلش جيبت شوية شاي ورز ومكرونة ووقفت ابيعهم إتعملي قضية تموين مع إن البضاعه اللي معايا وببيعها مش بتاعة تموين انا شاريها بنفسي والحمد لله اتوفقت وخدت سنة سجن , بس هو في سؤال عايز اسأله , ممكن ؟
المذيعه : إتفضل يا أستاذ صابر
صابر : هو أنا ليه ماتعلمتش صنعة بدل الكلية كان زماني بقيت زي عبده النجار ماشي مجنون في الشارع
المذيعة لا ترد وتنشغل بالنظر في أوراقها ويعلوا صوت المخرج
المخرج: إحنا ملناش علاقة يا أستاذ انت .. لازم تكون بطل فاهم
صابر ينظر حوله لمعرفة مصدر الصوت، ثم يترك خشبة المسرح ويجري مسرعا.
( ستار )
أغسطس 2010
المشهد : تجلس المذيعه علي الكرسي اليمين تلعب بخصلات شعرها وأحد المساعدين يضبط مكياجها وهي في حالة تكبر وغرور , يصيح صوت من بعيد 3 .. 2 .. 1 .. هواااا
المذيعه : مساء الخير علي كل مشاهدينا وحلقة جديدة من برنامجكم "الدنيا فيها إيه" ,النهارده حبينا نكون قريبين أكتر من الناس علشان كده قررنا النهاردة نستضيف شخص منكم نتكلم معاه بكل صراحه وهو الأستاذ صابر , إتفضل أستاذ صابر .
"يدخل من يسار المسرح صابر شخص نحيف شعره طويل تبدوا عليه ملامح الفقر والإعياء وملابسه غير مهندمة ويسلم علي المذيعه ويجلس وسط تصفيق الحضور بعد إشارة مساعد المخرج لهم بأن يصفقوا".
المذيعه : أهلا بيك يا أستاذ صابر معانا نحب نتعرف علي إسمك وسنك ووظيفتك ؟
صابر بتلعثم : إسمي صابر المطحون وده لقب العيلة عندي 29 سنة وبشتغل كل حاجة ومعايا بكالريوس تجارة .
المذيعه : أهلا بيك معانا , إحنا في الحقيقة عملنا معاك اللقاء لأنك واحد من الناس وبتتكلم بلسانهم هنسألك كام سؤال وحابين تجاوبنا بصراحة .
صابر : إتفضلي يا ست هانم
المذيعه : أستاذ صابر إيه اللي حضرتك تعرفه عن الازمة الإقتصادية العالمية ؟
صابر: ولا أي حاجة سمعت عنها زي حضرتك كده بس الواد عبده النجار سمعت إنه كان حاطط 5000 جنيه في البورصة وراحوا في غمضة عين ودلوقتي إتجنن وماشي يكلم نفسه في الشارع .
المذيعه: بعيداً أستاذ صابر عن مشكلة عبده النجار , أحب اعرف إنت بتشتغل إيه بالضبط ؟ يعني إيه كل حاجة ؟
صابر: شوفي يا ست هانم , أنا لما إتخرجت من الجامعه قلبت الدنيا علي شغل ومش لاقي كله قاللي يا تروح لحد تقيل يشوفلك وظيفة ويجبلك شغل بالواسطة يا إما تدفعلك حزمة 6 أو 7 ألاف جنيه وتتعين بأي مكان فقرر ت أعتمد علي نفسي .
المذيعه : جميل أستاذ صابر , مثال للشاب المكافح عملت إيه ؟
صابر : شوفي حضرتك الأول أنا جيبت حاجات من أم 2جنيه ونص وفرشتها قولت ابيعها بس البلدية جدت خدتها مني ملحقتش أبيع حاجة بعد كده، عملت عربية فول جت الصحة قالتلي معاكش شهادة صحية وخدوا العربية , قولت معلش جيبت شوية شاي ورز ومكرونة ووقفت ابيعهم إتعملي قضية تموين مع إن البضاعه اللي معايا وببيعها مش بتاعة تموين انا شاريها بنفسي والحمد لله اتوفقت وخدت سنة سجن , بس هو في سؤال عايز اسأله , ممكن ؟
المذيعه : إتفضل يا أستاذ صابر
صابر : هو أنا ليه ماتعلمتش صنعة بدل الكلية كان زماني بقيت زي عبده النجار ماشي مجنون في الشارع
المذيعة لا ترد وتنشغل بالنظر في أوراقها ويعلوا صوت المخرج
المخرج: إحنا ملناش علاقة يا أستاذ انت .. لازم تكون بطل فاهم
صابر ينظر حوله لمعرفة مصدر الصوت، ثم يترك خشبة المسرح ويجري مسرعا.
( ستار )
أغسطس 2010